15 верасня ўсе бібліятэкары нашай краіны адзначаць сваё прафесійнае свята – Дзень бібліятэк, які зацверджаны Указам Прэзідэнта Рэспублікі Беларусь ад 08.09.2001 №483 і прымеркаваны да дня заснавання Нацыянальнай бібліятэкі Беларусі – галоўнай бібліятэкі краіны.

Бібліятэка – гэта не толькі цэнтр збору і захоўвання друкаваных выданняў. Сучасная бібліятэка – гэта адукацыйны, навуковы, інфармацыйны і культурны цэнтр грамадскага жыцця, без якога цяжка ўявіць сабе свет. У век інфармацыйных тэхналогій бібліятэка застаецца важнай і надзейнай крыніцай ведаў.