Пяшчотная, мілая, добрая!

14 кастрычніка ў нашай краіне адзначаецца адно з самых светлых і душэўных свят – Дзень маці. Мацярынства – самая святая місія жанчыны. Найвялікшае шчасце дарыць жыццё, бачыць у дзецях свой працяг. І найвялікшая адказнасць – выхаваць іх годнымі грамадзянамі. Няма ў свеце больш блізкага і роднага чалавека, чым маці.

Да свята прымеркавана выстава-прысвячэнне “Пяшчотная, мілая, добрая!”, якая дзейнічае у бібліятэцы калледжа. Пры дапамозе матэрыялаў выставы можна даведацца пра гісторыю свята, чаму святкаванне Дня маці аднесена да святкавання Пакрова Прасвятой Багародзіцы. На паліцах выставы чытачы знойдуць літаратуру па свайму густу: паэтычныя і празаічныя творы, выданні-адлюстваванні вобраза маці ў мастацтве, метадычныя матэрыялы ў дапамогу куратарам.