Сэрцам роднага слова краніся

У межах правядзення Тыдня роднай мовы супрацоўнікі бібліятэкі калледжа падрыхтавалі тэматычную кніжную выставу “Сэрцам роднага слова краніся”. На ёй прадстаўлены кнігі самага рознага характару. Гэта падручнікі, вучэбныя дапаможнікі, метадычныя распрацоўкі, якія дапамагаюць навучэнцам у вывучэнні роднай мовы. Таксама можна пагартаць і шматлікія слоўнікі. Гэта не толькі слоўнікі, з якіх можна даведацца як перакласці з рускай мовы на беларускую ці наадварот, але і такія цікавыя, як “Слоўнік эпітэтаў беларускай мовы”, “Тлумачальны слоўнік беларускай літаратурнай мовы”, “Беларускі арфаграфічны слоўнік” і іншыя.